feuhighschool82
Would you like to react to this message? Create an account in a few clicks or log in to continue.

feuhighschool82

A blast from the past...friendships that last: An interactive forum among the proud members of the FEU High School Class of 1982.
 
PortalHomeGallerySearchRegisterLog in

 

 MODERNISASYON AT TRADISYON

Go down 
AuthorMessage
reggie
Elite Contibutor
Elite Contibutor
reggie


Male Number of posts : 639
Age : 54
Registration date : 2007-07-26

MODERNISASYON AT TRADISYON Empty
PostSubject: MODERNISASYON AT TRADISYON   MODERNISASYON AT TRADISYON Icon_minitimeTue Jul 31, 2007 12:39 am

MODERNISASYON AT TRADISYON
Sanaysay ni Alex Vincent Mendoza


Handa ka na ba sa pagdating ng bagong milenyo? Ngayon pa lamang ay
abalang-abla na ang marami sa paghahanda para sa nalalapit na taong 2000.
Sa kabila ng mga alinlangan tungkol sa naghihintay sa atin sa susunod na
siglo, ito'y nagsisilbing hudyat sa pagsilang ng mga inobasyon at tuklas sa
makabagong kaalaman.

Ating nasaksihan kung paano pinaunlad at pinausbong ng panahon ang ating
pamumuhay sa pamamagitan ng agham at teknolohiya. Hindi maipagkakailang
malaki ang naitulong nito sa pagpapaangat ng antas ng ating pamumuhay.

Ngunit nakalulungkot isipin na ang kapalit ng malawakang rebolusyon para sa
modernisasyon ay nagdudulot din rin sa atin sa paglimot at pagtalikod sa mga
nakagisnang kaugalian.

Napakalaki na ng pinagbago ng ating pamamaraan sa komunikasyon. Unti-unti
nang nawawala ang pagpapadala ng sulat sa koreo. Ngayon ay may e-mail na at
ang tawag sa lumang paraan ay 'snail-mail'. Dahil sa internet, maaari na
tayong makapagpadala ng liham sa ating mga mahal sa buhay saan mang sulok ng
mundo. Mula sa simpleng pagtawag sa telepono, naimbento ang mga pager o
beeper, ang cellular phones at video-phones, at text-messaging. May
mahihiling ka pa ba? Ito'y isang halimbawa ng hindi mapigilang paghahangad
ng sangkatauhan sa pagbabago.

Ngunit dahil sa patuloy na ratsada ng modernisasyon, naibabaon sa hukay ang
mga pinaghirapang pamana sa atin ng ating mga ninuno. Nabago na pati ang
tradisyong dapat ay ating iniiangatan.

Sa bilis ng pagtakbo ng ating pamumuhay, ang babagal-bagal ay walang
patutunguhan. Ito ang bagong prinsipyo sa kasalukuyan. Kaya naman naitutuon
natin ang ating atensiyon sa ating mga sarili lamang. Wala na nga naman
tayong panahon na intindihin ang kapakanan ng iba dahil kailangan nating
maging abala para sa ating sarili. Nais nating makasabay sa mabilis na
pagbabago kaya't isinasantabi natin ang iba. Tayo'y nagiging makasarili!

Hindi masama ang pag-unlad. Ito'y nagpapakita na tayo'y may kakayahan at
talinong umangat sa ating pamumuhay. Ngunit ang pagbabago ay hindi paglimot
sa mabuting asal at kaugalian o di kaya'y pagtalikod sa nakaraan. Bagkus
ito ay pagpapatuloy ng tradisyon ng pakikipagbayanihan at pagiging kontento
sa simpleng kabuhayan sapat at di naman salat. Kaya't sa pagdating ng
ika-dalawampung siglo, huwag hayaang matangay ang sarili sa pagbabago.
Walang kabuluhan ang modernisasyon kung ang mga mamamayan ay
di-nagpapahalaga sa mga mahahalagang kaugalian mga kaugaliang naging
pundasyon ng lipunan.
Back to top Go down
 
MODERNISASYON AT TRADISYON
Back to top 
Page 1 of 1

Permissions in this forum:You cannot reply to topics in this forum
feuhighschool82 :: Knowledge is Power :: Politics, Current Events and Filipino Patriotism-
Jump to: